مرحباً بكم في موقع لاباتنا

أول موقع متخصص لخدمات المختبرات الطبية في السودان

* لاباتنا للتواصل

* لاباتنا للخدمات

* لاباتنا للمعلومات

* لاباتنا للترفيه

الرئيسيةالمنتديالشاتأعمال لانستمن نحنإتصل بنا
 
         
 

اليوم هو 22 يناير 2017 19:22

جميع الأوقات تستخدم GMT + 3 ساعات




إرسال موضوع جديد الرد على الموضوع  [ 60 مشاركة ]  الانتقال إلى صفحة 1, 2, 3, 4  التالي
الكاتب رسالة
 عنوان المشاركة: ** مُستشفى لاباتنا العام **
مشاركةمرسل: 08 فبراير 2010 03:29 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
المستر لأول مرة أطلب تثبيت موضوع بعيدا عن الترشيحات . الفكرة ليست منقولة أو مسروقة . ولأن الحاجة أم الإختراع .. هداني تفكيري لفتح هذا البوست .
الفكرة بسيطة نعرض فيها مشاكلنا المختلفة ،،، و نتشارك الحلول .

زواج بنات المغتربين وهن مع أسرهن بالحارج .
ــــــــــــــــــــــــــــــــــــــــــــــــــــــــــــــــــــــــ
قريبتي تخرجت واستلمت شهادتها من سنيييييين . سألتها ذات مرة : كم مرة طرق الحظ بابك؟ أجابتني مرات قليلة ،،، وماالحصل !؟ كانت إجابتها صريحة بأنها لا تتزوج إلا من يفوقها بعدد شهاداته ،،، و وضعه المالي زي أو أكثر من وضع والدها المالي .
بالنسبة لي : أسباب رفضها غير مقنعة ! إستأذنتها بأن يكون هذا الموضوع محورا للنقاش وحصريا على لاباتنا . أجزي لها الشكر لموافقتها .
عندما إلتقيت اليوم بإحدى الزميلات وهي بدولة عربية أخرى ،،، ذكرت لها هذا الموضوع كما ذكرت لها بأن هذا الموضوع سوف ينزل حصري على لاباتنا . الزميلة شجعتني وهي على إستعداد لقراءة الردود ومن ثم التعقيب .
الحمد لله وعدتهما فأوفيت . أرجو أن لا أكون قد أسهبت .

المحسية ممكن ترتبطي بشخص يحمل كل المواصفات ــ عدا الشهادات ؟
البروف ممكن ترتبطي بشخص وضعه المادي أقل من وضع والدك ؟
وأنتن ما وكم مقاس فرسان أحلامكن ؟؟؟
ـــــــــــــ خط أحمر ــــــــــــــــ
لماذا ترتبطن بالكبير { ذو مؤهل ومركز مالي مرموق } لماذا لا ترتبطن بالصغير حتى تساعدونه يكبر ،،، حينها نقول : وراء كل عظيم إمرأة عظيمة .

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 08 فبراير 2010 14:38 
غير متصل
عضو نشط جدا
صورة العضو الشخصيه

اشترك في: 15 مايو 2009 18:56
مشاركات: 267
الجامعة: العلوم والتقانة
التخصص: مختبرات طبية
الجنس: ذكر
ود اسيا فكرة رائعة جدا

وموضوع ملموس وواقع

ربنا يجزاك خير

_________________
التَفَاؤُل ،،،
لطالما أردت أن أعرف كيف أصل إلى تلك المرحلة التي أتفائل بها بالمستقبل (رغم كل المعوقات)
وعرفت لاحقا أن ليس هو إلا معنى آخر
♥للثِقَهِ بِاللّه♥


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 08 فبراير 2010 17:18 
غير متصل
المدير العام
المدير العام
صورة العضو الشخصيه

اشترك في: 23 فبراير 2009 13:32
مشاركات: 847
مكان: الخرطوم السودان
الجامعة: الخرطوم
التخصص: مختبرات طبية - احياء دقيقة
الجنس: ذكر
يا ود اسيا انا العلي عملتو ليك

وثبت الموضوع

الباقي نشوف راي اصحاب الوجعه ونرجع نعقب

وفتنتاكم طيبيييييييييييييييييين

_________________

السادة الاعضاء والزوار
مواضيع اخترتها:
الطلاب وشرف البورد مأساه من جامعة الخرطوم
يوميات عضو
الكرسي الساخن



أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 09 فبراير 2010 02:08 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
نجومي كتب:
ود اسيا فكرة رائعة جدا

وموضوع ملموس وواقع

ربنا يجزاك خير


حامل المسك الفكرة وصلتك وعجبتك كمان ؟ تسلم على المرور يازول ياطيب .

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 09 فبراير 2010 02:19 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
المستر كتب:
يا ود اسيا انا العلي عملتو ليك

وثبت الموضوع

الباقي نشوف راي اصحاب الوجعه ونرجع نعقب

وفتنتاكم طيبيييييييييييييييييين


والله ما قصرت وكتر خيرك . يا مستر البنات ديل عندها مشاكل كتيرة ،،، طبعا الحياء شيمتهن ،،، ليجد البوست التفاعل أدعو الأحوات وبحسب الترتيب الهجائي 1 / المحسية 2 / بروف ميكرو 3 / تيفا . والبقية تأتي .

{{ بهمسة ممكن أو عادي الواحدة تحول مشكلتها بإسم صاحبتها ــ المهم هو الحل }}

ليس اَخرا الإمتحانات باقي ليها كم ؟؟؟؟؟؟؟؟؟ المحسية دخلت وعملت نايمة وربما { رايحة } والله يابت الخالة ترجي الراجيك ،،، ودايرين نعرف الملاح الجوة دي ؟؟؟؟

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 09 فبراير 2010 22:46 
غير متصل
المشرف العام
المشرف العام
صورة العضو الشخصيه

اشترك في: 23 فبراير 2009 18:29
مشاركات: 1884
مكان: بلد الخير والطيبة
الجامعة: ام الجامعات
التخصص: مختبرات
الجنس: انثي
ازيكم يا انتو
انا طبعا ما هاربة بالعكس الموضوع دا كيفني كيف عجيب
ومن شدة ما هجمت بعجلة(موتر سايكل هههه) لمن هو ذاتو اتخلع وبعد ما كتبت المشاركة اتمسحت لما جيت اعمل ارسال
ونظرا لاني كتبتها من الجامعة وطبعا بالانجليزي وتعبت شديد في كتبابتها عشان القي الكلمات البتناسب الانفعال لمن اتمسحت حردتها
ما انت عارف يا ود اسيا القصة دي مالك بتخليني احكي كل يوم


اها بالنسبة للموضوع
وبالرغم من انو لا بت مغتربين ولا عندي نظريات زي حقتهم لكن ممكن اتفلسف شوية

ا
ود اسيا كتب:
لمحسية ممكن ترتبطي بشخص يحمل كل المواصفات ــ عدا الشهادات ؟

بالرغم من انك سالتني عن الشهادات لكن حاتكلم في الماديات وارجع مرة تانية للشهادات
عمرها ما كانت القروش ام ولا ابو زول
وعمرها ما كانت السبب الوحيد للسعادة
وياما بنات يعزلو في الاولاد حسب المواصفات المادية والاجتماعية ومن اول شهر عرس جاتهم صدمة حضارية لقو القروش ما اي شي ولقو نفسهم ما عارفين اي شي عن الزول المشاركنو حياة
ومن الاخر ولي اي سبب من الاسباب ما ممكن تكون القروش شرط حاسم عندي
ولكنننننننننننننننننننننننن
جني وجني الولد الكسلان وجني جن الولد البيبرر كيسلو بي الحكومة وعلي عدم الوظائف وعلي انو قام لقو اهلو مفلسين في زمن البنات فيهو بقو يجيبو ذهب!!!
طالما انت زول صحيت من نومك باكر صليت صلاتك في مواعيدها وقمت فتشت رزقك واتوكلت علي الله وعملت العليك وبعداك لو الله رزقك حبة كويس ولا كتير خير بركة
انت في الحالة دي بتكون في نظري ونظر اي بت واعية زول مثالي والله


ولي عودة مطولة للشهادات
ود الخالة والله موضوع ممتاز وداير 5 نجوم
بس اهم شي بعد الموضوع دا تشوف لي عريس والا ما حاجي اتم باقي الكلام
قلت كيف؟

_________________
عندما ينقطع صوتك عني لدقائق اشتاقك كثيرا

فيصلني صوت سعالك فاسعد به بالرغم من اني اغشي عليك منه

انني انثي عشقتك حتي الثمالة وعشقت كل ما هو منك

فهل لها ان تستحمل بعادك عنها لثانية؟؟؟

لك ابياتي المرتجلة وتركت لك حسن التقدير واختيار الاجابة الانسب


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 10 فبراير 2010 00:33 
غير متصل
عضو مميز جدا
صورة العضو الشخصيه

اشترك في: 24 فبراير 2009 14:22
مشاركات: 1777
الجامعة: U of K * FMLS
التخصص: Microbiology
الجنس: انثي
ود اسيا بكتب في المشاركة بي مزااااااااااااج لي اكتر من ساعة ونص (اطول مشاركة في المنتدي)

و :cry: :cry: :cry: :cry: :cry: :cry: :cry: :cry:
عملت ارسال جاني تسجيل دخوول من اول وجديد
اتمسحت وهسي جاني هبووووووووط وقلبي وجعني
الا اجي بكرة ان شاء الله اكتبها تاني
الموضوع مباااااااااااااااااااااااااااااااااااالغة

في زوول عامل لينا عمل انا والمحسية في البوست دة مشاركاتنا بتتمسح
لي عودة اكيييييييييييد لو في عمر ان شاء الله.

_________________
إنما الأمم الأخلاق مابقيت
فإن همُ ذهبت أخلاقهم ذهبوا


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 10 فبراير 2010 15:18 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
بت الخالة / رغم بعدي برسل سلامي يحوي شوقي وكل إحترامي . الرد غير مُستغرب ويستحق باللغة الفندقية 5 stars . برضو تعبت في الرد على رسالتك الإنجليزية ،،، بالمناسبة الكلمات الإنجليزية لا تعبر بصدق عن الإنفعلات مهما إنتقينا مُفرداتها ،،، وذلك من فضل الله على لغة الضاد والتي كرمها بنزول القراَن الكريم بها . نرجع لموضوعنا وهو الخطر الخفي على تعثر زواج أبناء المغتربين . والتفاضل والتكامل في المادة والشهادة .
في طبيبة تزوجت من بائع عٍدة { بضاعته يحملها داخل كرتونة وعلى رأسه } لما سألوها عن عدم التكافؤ ؟ أجابت : تعامله راقي !!
بعض الخريجات تزوجن من الجاهزين رغم زواجهم المُسبق ـــ لماذا لا تبتدئ حياتها مع الصغير لتكبره ــ حينها نقول : وراء كل عظيم إمرأة .
تفهم الزوج للحياة وحبه وثقته في زوجته أقيم من الشهادات والدرجات خصوصا لو كان ممن ينطبق عليهم المثل : {{ القلم ما بزيل البلم }}
ياخ حاسي أنك جُطيني بردك لدرجة إنحراف المسار عن الموضوع . المهم فكرتك وصلت . في انتظار العودة .
العريس موجود بس رسلي ال c .v لننشره على المنتديات ههههههههههههههههههههههه . راجع ليك تاني وتالت لأرقع أو أسمكر الرد .

المستر رايو شنو !؟

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 10 فبراير 2010 15:29 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
prof.micro كتب:
ود اسيا بكتب في المشاركة بي مزااااااااااااج لي اكتر من ساعة ونص (اطول مشاركة في المنتدي)

و :cry: :cry: :cry: :cry: :cry: :cry: :cry: :cry:
عملت ارسال جاني تسجيل دخوول من اول وجديد
اتمسحت وهسي جاني هبووووووووط وقلبي وجعني
الا اجي بكرة ان شاء الله اكتبها تاني
الموضوع مباااااااااااااااااااااااااااااااااااالغة

في زوول عامل لينا عمل انا والمحسية في البوست دة مشاركاتنا بتتمسح
لي عودة اكيييييييييييد لو في عمر ان شاء الله.

ستجدين ردك على {{ على لاب شكاوي الأعضاء }} المسألة فنية بحتة . [ هبوط إضطراري ؟ أما القلب فهناك أخصائيين أو إستني برنامج صحة وعافية ،،، على قناة النيل الأزرق .
أرقي نفسك بالفاتحة إن شاء الله تصرف عنك العمل . عمرك طويل بإذن الله .. خلاص أتوقع ردك هذا المساء .
هشة / وهناك توقيعا اَخر ،،، ح أرفع البوست .
والسلام خير ختام .

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 11 فبراير 2010 00:06 
غير متصل
عضو مميز جدا
صورة العضو الشخصيه

اشترك في: 24 فبراير 2009 14:22
مشاركات: 1777
الجامعة: U of K * FMLS
التخصص: Microbiology
الجنس: انثي
عدناااااااااااااااااا
بعد السلام
ماناس شهادة عربية لكن
نخش في الموضوع وعلي مسئولية ود اسيا:
ود اَسيا كتب:
البروف ممكن ترتبطي بشخص وضعه المادي أقل من وضع والدك ؟
وأنتن ما وكم مقاس فرسان أحلامكن ؟؟؟
ـــــــــــــ خط أحمر ــــــــــــــــ
لماذا ترتبطن بالكبير { ذو مؤهل ومركز مالي مرموق } لماذا لا ترتبطن بالصغير حتى تساعدونه يكبر ،،، حينها نقول : وراء كل عظيم إمرأة عظيمة .


حاقول ليك فلسفتي في موضوع الارتباط اول: الرزق والوضع الاجتماعي والشكل ربنا قسمهم بين الناس بي حكمتو, وكل زول بيسعي للزرق لكن مقدار الزرق بيد الحكيم العليم
اما اخلاق الزول وتعاملو مع الناس ديل الفي يدو وممكن يغيرهم للاحسن والاحسن (انما العلم بالتعلم والحلم بالتحلم)

واهم شي في الارتباط اخيار الشريك المناسب, من البداية مفروض تدرس كل الجوانب "السلبيات قبل الايجابيات" مع الشريك المحتمل وماتحكم بي صفة واحدة عجبتك
عشان بعدييييييييين ماتجي تندم حيث لاينفع الندم

السؤال الاول:الوضع المادي: ممكن شدييييييييد ارتبطبي زول وضوعو المادي تعبان شويتين, بالمنطق كدة لمن ابوي "ان شاء الله لي يسلم" بدا حياتو هل كان وضعو المادي نفس وضعو هسي؟؟؟؟؟؟؟ اكييييييييييييد لا ابوي اجتهد واشتغل وتعب كممممممممم سنة عشان يوصل للوضع المادي النحن فيهو هسي والحمدلله
ولمن بدا بدا من الصفرررر
حرام اقارن زول في بداية حياتو ولسة ما اخد فرصتو بي زول تاني اخد فرصتو وقدر يثبت زاتو

وهنا بتفق شديييييييييد مع المحسية:طالما الزول مجتهد وبيسعي البيجيبو ربنا كلو كويس.

غير كدة القروش ماملك زول الليلة في يدك بكرة في يد غيرك والظروف مامعروفة, ابقي معرسة لي واحد عشان قروشوا بس ويفلس........ حاااااااااكل ناري.

بالنسبة للشهادات:العلم مهم شدييييييييييد بالنسبة لي يعني لازم يكون متعلم وقاري جامعة,
لكن حكاية الشهادات وتكون شهاداتو اكتر دي مامقنعة
العبرة ما بي عدد الشهادات,
العبرة بي هو استفاد من االقراية دي ولا ما استفاد, ولو علي الشهادات هينة وفي اي وقت الزول لو خاتي في راسو انو داير يقرا ربنا بيوفقوا

السؤال الثالث: العمر:الكبير دة علي حسب "الكبرة" وكلامي من غير تعميم بس بحكي الحاجة الشايفاها حواليني
اغلب البنات بيفضلوا يرتبطوا بي زول اكبر منهم بي 4-10 سنين كدة
وغالبا ماعشان القروش لكن عشان الاكبر دة بيكون واعي وراكز وعاقل ,اضافة لي انو وبدا يكون نفسو نوعا ما وبدا يطلع السلم (وحيكملو السلم سوا)

والصراااااااحة كدة الاكبر بي كم شهر ولا بي سنة دة بيكون لسة في باقي طيش شباب ولسة مابقي جادي ومسئول بما فيه الكفاية عشان اي واحدة تفكر ترتبط بيهو
تاني بقول الكلام دة من غير تعمييم.

اما واحدة ترتبط بي زول اكبر منها بي 20 او 25 سنة , وفي نهاية الطريق عشان ترييح روحها دي الصراحة مالاقتني قبل كدة, ولا بقدر افتي فيها

السؤال التاني:كم مقاس فرسان احلامكن 40 -44 كدة :lol: :lol: :lol: :lol:
اهم شي الدين والاخلاق والاحتراااااااااااااااااااااام, بيخاف الله, يحترمني "ويحترم اهلي طبعا" , اهلو ناس كويسين ومحترمين ومابتاعين مشاكل
فاهم ومتفهم واعي ومثقف, زوووووق شهم وكريييييييم,حِنييييييييييين (بكسر الحاء) , متعاون, طمووووووووح, راقي ,امين, صادق وطييب
وكل الصفات الحلوة طبعا
والاهم من كل دة انو انا اكون بقدر اتحمل السلبيات الفي شخصيتو, وهو كذلك
واكون مقتنعة بيهو تمااااااااما كان عندو كان ماعندو, واقدر اعيش معاهو تحت اي ظرف من الظرووف وانا رااااااااااضية ومبسوطة

بي اختصار كدة رجل المفاجااااااااااااااااااا :o :o ااااااااااااااااااات


يانااااااااااااااااااااااااااااس اضربو المنتدي بوهية وجهزوا الزينة
ود اسيا جايب لينا عرسان انا والمحسية(طبعا ماظريفة منك تخلينا نكشف اوراقنا في الشبكة العنكبوتية وترجعنا يدينا فاااااااضية :lol: :lol: )
والله ياخي الله يديك العافيةماقصرت مع اخواتك ان شاء الله مانعدمك.

معليييش بريييييتكم شدييييييييييد
وفي النهاااااااااااااية التوفيق من ربنا
واتمني التوفيييييييييييييييييييييييق للجمييع

_________________
إنما الأمم الأخلاق مابقيت
فإن همُ ذهبت أخلاقهم ذهبوا


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 15 فبراير 2010 12:33 
غير متصل
عضو مميز جدا
صورة العضو الشخصيه

اشترك في: 04 مايو 2009 10:12
مشاركات: 1370
الجامعة: الخرطوم
التخصص: تغذيه علاجيه
الجنس: انثي
والله يابروف ماعرفتك فلسفه شديده بالذات مع الورده الحمراء دي

سلامات ود اسيا الموضوع ابداع ورائع جدا وياريت ياخذ حقوا بجد

واكيد لي رجعه عشان ارد بي مزاج

خصوصا بعد الفلسفه الفوق دي

_________________
إذا أُعجبت بأشعة الشمس في أحد الصباحات ..
كن مثلها وانتشر واعط بلا مقابل .. لا أخفيك سراً ستعجب بك !
وكما قيل : "إن معنى الحياة : أن تهب ما وهب لك"


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 15 فبراير 2010 18:15 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
تيفا كتب:
والله يابروف ماعرفتك فلسفه شديده بالذات مع الورده الحمراء دي

سلامات ود اسيا الموضوع ابداع ورائع جدا وياريت ياخذ حقوا بجد

واكيد لي رجعه عشان ارد بي مزاج

خصوصا بعد الفلسفه الفوق دي


أها مشكلتك شنو ؟ كل مشكلة وليها حل . في انتظار تشريفك .

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 15 فبراير 2010 18:17 
غير متصل
عضو مميز جدا
صورة العضو الشخصيه

اشترك في: 13 مايو 2009 15:05
مشاركات: 1328
الجامعة: ............
التخصص: ................
الجنس: ذكر
البروف / تحياتي
قصدي من الكبير : كبير الجيب وليس كبير السن !! الفكرة وصلت ؟

_________________
" ربنا اكشف عنا العذاب إنا مؤمنون ."


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 16 فبراير 2010 00:52 
غير متصل
عضو مميز جدا
صورة العضو الشخصيه

اشترك في: 24 فبراير 2009 14:22
مشاركات: 1777
الجامعة: U of K * FMLS
التخصص: Microbiology
الجنس: انثي
يا وداسيا لو صبر القاتل علي المقتوول كان حيحصل شنووووووو؟؟؟؟ جاياك في الكلام
كبر السن غالبا مايتناسب طرديا مع كبر الجييب (كلما زاد العمر زادت محتويات الجييب), الا زول يكون حظو سمح ولا وارث

وردا علي كلامك بتاع تبدا معاهو السلم عشان يبقي وراء كل رجل عظيم امراة:
اقوول ليك الصراحة والحقيقة المراة اكتر شي بتحتاج اهتمام زوجها ورعايتو المستمرة ليها وتفاهمو معاها, ولو لقت الزوول اليفهمها مستعدة تضحي عن كل شي مهما كانت
ولكننننننننن
لمن يبقوا الاوادم مفلسييييييييين عاطفيا و مايهتموا بي حبيباتهم او زوجاتهم في "المستقبل"....... تبقي المسكينة في فلس عاطفي وفلس مادي :shock: الصدمة عليها شدييييدة :shock:
عشان كدة اخيير ليها تشوف زول مرووق يريحها حتي لو ماوفر ليها الاهتمام والحب الهي محتاجة ليهو حتعمل موضووع بالقرووش وتتلهي بيها, تمشي تجيب عفش من الصين مرة, ,مرة تمشي تعمل "شوبينق" في دبي مرة ماشة باريس وهكذا دوالييك.

السبب التاني الزمن دة الرجال مامضمونين........ منو القال بعد ما اصبر واطلع معاهو السلم عتبة عتبة "وابني عشك ياقماري قشة قشة" ,,, لمن يبقي رجل عظييم يمشي يجيب واحدة تانية يوقفها وراهو ... والاولي الاصلا ساعدتو و بقتوا عظييم يشخط ليها (هنا في مثال ظااااااااااااااابط لكن لو قلتوا بيجوا يقفلوا لينا المنتدي هههههههههههه)
علي قول كارب الله غالب

ماتتخلع دة كلام المجتمع ودة الحاصل ولو داير احكي ليك قصصصصصصصصصص
ويا مأمن للرجال يا مأمن للميةفي الغربال.

لي عودة ان شاء الله... لسة ماناقشنا موضوع الشهادة العربية.

_________________
إنما الأمم الأخلاق مابقيت
فإن همُ ذهبت أخلاقهم ذهبوا


أعلى
 يشاهد الملف الشخصي  
 
 عنوان المشاركة: Re: ** مُستشفى لاباتنا العام **
مشاركةمرسل: 27 فبراير 2010 15:15 
غير متصل
عضو مميز جدا
صورة العضو الشخصيه

اشترك في: 24 فبراير 2009 14:22
مشاركات: 1777
الجامعة: U of K * FMLS
التخصص: Microbiology
الجنس: انثي
سلامااااااااااااااااااااات
انتظرت قلت زول يجي يعلق مافي زول جاء
ود اسيا خلييت المستشفي لمن العيانيين ماتو

بت الشهادة العربية لو قالت مابتتزوج ليها زول قاعد في الخرطوم ولا مابتتزوج ليها زول مفلس دي انا بحترمها جدااااااااااااااااااا
لانها زولة صريحة وعارفة هي دايرة شنو, وعارفة البتقدر عليهو والمابتقدر عليهو

طبعا الاولاد حيقولوا البنات بيدلعوا
لكن دي في النهاية طريقة حياة عاشت بيها عمرها كلوووووووووووووو
صعبببببببببببب بالجد انها تغيرها بين يوم وليلة
وللأسف دايماً بنو ادم بيفترضو انو بنات ادم هم اليتغيرو
هي تقعد معاهو علي حسب العندو وتستحملوا وتطبخ وتنظف البيت وتربي العيال وتكون قاعدة حلوة وجميلة عشان لمن هو يجي مايتعكر مزاجو!!!!!!!!! الجابرها علي كدة شنو انا ماعارفة

وهو حياتو ياها زاتها صحي شرب الشاي ومشي الشغل رجع للغداء نام شوية ومشي للشلة ونسة وضمنة وكوتشينة يرجع البيت ينوم. 24 ساعة برة البيت والباقي نايم (ماسال نفسو انو الزوولة الانا بقيت شريك حياتها دي هل فعلا انا بشاركها الحياة؟؟؟؟؟؟؟؟)

اما هي مفروض تضحي وتتغير هي زاتها وتغير حياتها كلها عشان خاطرو
وبعد دة كلو يارييييييييييييييت لو يطلع بيقدر التضحية..

سؤال للبنات والاولاد: هل ممكن تمشي تعيش في حتة لا فيها كهرباء لاموية (موية تمشي تفتش عليها في البيير) حتة في صحراء مامعاك اهلك و لا في زول يساعدك؟؟؟؟؟؟؟؟؟؟؟؟؟؟؟؟
لو ما الشديد القوي مافي سبب يخليك تعيش في ظروف صعبة, ماعشان مافي زوول بيقدر يعيش كدة لا في ناس كتار عايشين كدة
لكن اتعودوا يعيشوا فيها من كانو صغار ودي طريقة حياتهم
ونحن اتعودنا علي حاجة برضو صعبة ااننا نغيرها
وكل زول عندو حاجات في حياتو مادايرها تتغير ومابيقدر يغيرها, وكل زول بيقدر يقدر الزول الحيرتبط بيهو دة بينفع معاهو ولا مابينفع وبيقدر يتعايش معاهو ولا لا

وانا متاكككككككككككككدة الزولة القالت عايزة مستواهو المادي يكون كوييس ,, لو جاها الزول المناسب ووقع ليها في راسها وكان مففففففففففلس حترضي بيهو وحتضحي بأي شي عشانو.
لكن برضو لييييييييييه بنو ادم مابيرضو يضحوا ولا بيحبوا يستحملوا ولو القليل؟؟؟؟؟؟؟؟؟؟؟؟؟ وفي نفس الوقت ليييه بيطلبوا انو العالم يتغيير كلو حوالينهم؟؟؟؟؟؟؟؟

ود اسيا طشيت شبكة ونسيت باقي الكلام وبريتكم شديييييييييييد
شكرا علي الموضوع الممييييييييييز
ويارييت الباقيات الصالحات كلهم يجوا يعلقوا
في امان الله

_________________
إنما الأمم الأخلاق مابقيت
فإن همُ ذهبت أخلاقهم ذهبوا


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 60 مشاركة ]  الانتقال إلى صفحة 1, 2, 3, 4  التالي

جميع الأوقات تستخدم GMT + 3 ساعات


المتواجدون الآن

المستخدمون المتصفحون لهذا المنتدى: Rubenchott و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
cron
Powered by phpBB © 2000, 2002, 2005, 2007 phpBB Group
Translated by phpBBArabia